O primeiro euqipo filial do Celta, Celta Fortuna, chega a este encontro tras caer derrotados a semana pasada en Sestao nun encontro incómodo onde perderon o liderado que lograran a xornada anterior. O equipo dirixido por Claudio Giráldez buscará volver á senda da vitoria para recuperar posicións na táboa. A derrota en Sestao foi dura de dixerir para o xogadores do filial, que fixeran méritos para sacar polo menos un punto da súa visita ao campo de Sestao River. Agora deberán levantarse anímicamente para afrontar con garantías o duelo ante o Unionistas.

Claudio Giraldez poderá contar para este choque con Hugo Álvarez, Javi Rodríguez e Damián, que regresan tras ser convocados por Rafa Benítez para o partido do Celta en San Mamés. Non así con Yoel Lago, que cumpre un partido de sanción tras ser expulsado inxustamente en Sestao e non prosperar o recurso presentado polo club. Tampouco estará dispoñible Manu Garrido. Antañón, que participou o venres na vitoria do Celta C fronte ao Rápido de Bouzas, é outra das novidades. Ademais, Claudio citou a Manu Fernández e Piay, dous xogadores do terceiro equipo, para completar a convocatoria. Mantéñense as baixas de longa duración de Iván, Gael e San Bartolomé.

O Unionistas de Salamanca exporá un partido difícil. Aínda que o Celta Fortuna vén de exhibicións notables como local, deberá esforzarse para que os tres puntos queden na casa e poder asaltar de novo o liderado. Os de Giraldez  sairán pola vitoria que lles devolva o sorriso tras o tropezo da pasada xornada.