Oficial: Miguel Román asina co Fortuna
Foto: RcCelta
O Celta de Vigo fíxose cunha das grandes promesas da 1º RFEF. Miguel Román. O xogador chega libre do Pontevedra CF e vestirá a camiseta celeste durante o próximas tres tempadas.
O Celta de Vigo asegurouse a unha das maiores promesas do fútbol galego: o centrocampista Miguel Román. Con tan só 20 anos, Román deixou abraiados a propios e estraños co seu brillante desempeño no Pontevedra, e agora enfundarase a camiseta celeste durante as próximas tres tempadas.
O gondomareño foi o obxecto de desexo de varios equipos, incluído o FC Barcelona, que poxaba con forza por facerse cos seus servizos. Con todo, o Celta non se deu por vencido e logrou convencer ao centrocampista de que o seu futuro estaba en Vigo.
A relación entre Miguel Román e o Celta non é nova, xa que o verán anterior, Alfredo Merino, actual director deportivo do Mirandés, tentara levalo ao Fortuna. Sen embargo as negociacións co Pontevedra, clube onde Román estivera xogando, non chegaron a bo porto debido ás demandas excesivas da presidenta do equipo granate, Lupe Murillo.
Pero agora, co seu contrato co Pontevedra finalizado, o mediocampista tiña a liberdade para decidir o seu futuro. Aínda que se especulaba que se uniría ao FC Barcelona e xogaría no Barça Atlètic, o Fortuna non deixou de loitar e finalmente conseguiu a súa firma.
As dúas tempadas que Miguel Román xogou como profesional senior foron espectaculares. O gondomareño foi un dos artífices do ascenso a 1º RFEF e un dos mellores xogadores da pasada tempada a pesar do descenso de categoría. Disputou 38 partidos de Liga e tres de Copa del Rey, anotando un gol e dando unha asistencia. A súa habilidade para levar a batuta no centro do campo foi esencial para un equipo que se enfrontou a múltiples baixas que afectaron o seu rendemento.
Nunha palabra: 𝗜𝗟𝗨𝗦𝗜𝗢́𝗡 🤩#CeltaFortuna #PrimeraFederación pic.twitter.com/3s9Z1KSr0I
— Canteira Celeste (@CanteiraCeleste) July 24, 2023
O centrocampista ten unha gran proxección e xa se prepara para dalo todo no filial do Celta e seguir desenvolvéndose como xogador. ¡Benvido, Miguel Román!