O Celta de Vigo deu a coñecer o nome do cuarto embaixador do centenario, neste caso é cuarta. Lucía Taboada é a primeira muller en ser nomeada para ocupar este posto. Con este nomeamento, o clube recoñece a paixón e adicación de Taboada cara á entidade celeste.

O Celta non escatima eloxios ao describir a Lucía Taboada como unha xornalista chea de paixón polo Celta, así como unha xenerosidade inigualable para compartir o seu amor polo equipo en calquera circunstancia, xa sexa de viva voz ou plasmado en papel. A súa destacada traxectoria profesional e a súa inquebrantable lealdade ao clube foron sempre evidentes, sendo autora do libro «Como sempre, o de sempre», unha obra que aborda a historia e os testemuños de recoñecidos seguidores do Celta.

No comunicado emitido polo Celta, Lucía Taboada expresa a súa gratitude por ser elixida como embaixadora do centenario, cualificando este nomeamento como unha verdadeira honra. Deixa claro que, pase o que pase e estean onde estean, o equipo da súa vida sempre ocupará un lugar especial no seu corazón.

💯 Presentámosvos a primeira embaixadora do Centenario celeste: a xornalista e escritora @TaboadaLucia

💙 Enorme paixón polo @RCCeltaGL e gran xenerosidade para exhibir este sentimento en calquera foro e lugar, de palabra e en papel 🖌

🙋‍♀️ “Son do Celta e punto”

— RCCelta100 (@RCCelta100) June 26, 2023

Ademais, relata unha evocadora imaxe da súa infancia que se repite na súa memoria: o seu pai, a súa irmá e ela, tomados da man mentres descenden o outeiro que leva desde o Alcampo ata Balaídos. Esta imaxe representa a constante presenza do Celta na súa vida e o seu profundo vínculo emocional co clube.

Quen lle ía decir áquela nena que con 5 anos ía a Balaídos ilusionada da man de seu pai que terminaría sendo embaixadora do centenario. Moi orgullosa e moi feliz 💙. Grazas, @RCCelta https://t.co/SRK5THQ2EQ

— Lucía Taboada (@TaboadaLucia) June 26, 2023

Coa incorporación de Lucía Taboada ao selecto grupo de embaixadores do centenario, composto por Eusebio Sacristán, Míchel Salgado e Fernando González «Gonzo», o Celta de Vigo continúa construíndo un legado de paixón, compromiso e orgullo celtista. Este recoñecemento destaca o papel fundamental dos seguidores na historia do clube e subliña a importancia de preservar e celebrar a rica tradición do Celta ao longo do seu centenario.