O Fortuna múdase a Barreiro por mor do céspede

Foto: Xoan Carlos Gil

 

 

 

 

O partido entre o Celta Fortuna e o Real Unión disputarase o sábado 14 de outubro ás 17 horas en Barreiro

 

 

 

 

(Atlántico) A Real Federación Española de Fútbol deu a coñecer que o partido entre o Celta Fortuna e o Real Unión de Irún disputarase no campo de Barreiro e non en Balaídos. O cambio do céspede no terreo de xogo situado sobre o Lagares é a causa desta modificación. Será o vindeiro sábado 14 de outubro (17:00).

 

Ademais, o filial celeste tamén ve modificados dous horarios. O sábado 28 de outubro recibe ao Sabadell (16:00) e visita ao Teruel o domingo 19 de novembro (12:00). Mantense o partido previsto ante o Deportivo da Coruña o domingo 8 de outubro, a pesar de solaparse co duelo do primeiro equipo ante o Getafe. Dende a entidade céltica buscouse o cambio de data, pero non se deron as condicións necesarias para facelo, que pasan por un acordo entre todas as partes.

 

Tras un comezo de campaña en Balaídos, a formación de Claudio Giráldez debe adaptarse agora ao novo terreo de xogo. Barreiro é máis pequeno, o que limita os espazos, pero tamén facilita o repregamento. Tamén se acurtan os esforzos, o que pode ser positivo para futbolistas de baixa idade.